Kalurahan Ngoro'oro

Pamong Kalurahan lan Lembaga Kalurahan

Kanthi lelandhesan Undang-Undang Negara Kesatuan Republik Indonesia Nomer 6 taun 2014, ingkang ngatur babagan desa, pemerintah desa inggih menika kepala desa kabiyantu dening perangkat desa minangka perangan punggawa paprentahan desa. Kepala desa minangka pejabat utawi pangesuh pamarentah desa ingkang nggadhahi wewenang ewondene jejibahan kangge nglampahaken pranatan tuwin mobah mosiking panggulawenthah lampahing desanipun kaliyan nglampahi jejibahan saking pamarentah pusat menapa dene pamarentah kabupaten.

Dene Badan Permusyawaratan Desa (BPD) minangka Lembaga ingkang nindakaken jejibahan paprentahan ingkang anggotanipun mujudaken utusan saking warga desa minangka utusan saking wewengkon padhukuhan.

Miturut pranataning utawi Peraturan Bupati Gunungkidul Nomor 36 Tahun 2016 ingkang ngatur babagan Struktur Organisasi Dan Tata Kerja Pemerintah Desa, Pemerintah Desa menika kadadosan saking :

1. Kepala Desa : Sukasto
2. Sekretariat Desa :
3. Sekretaris Desa : Dalyuni
4. Kaur TU & Umum : AnggunMeridiana, S.IP.
5. Kaur Keuangan   : Sunarto
6. Kaur Perencanaan : Panut
7. Pelaksana Teknis ( Kepala Seksi ) :
8. Kepala Seksi Pemerintahan : Jumani
9. Kepala Seksi Kesejahteraan : Supriyana
10. Kepala Seksi Pelayanan : Paryoto
11. Unsur Kewilayahan (Dukuh)

Kepala desa kabiyantu dening sangang dhukuh ingkang nggadahi jejibahan dhumateng wewengkonipun piyambak-piyambak.

5. Staf

Kejawi menika, saben Kepala Urusan saha Kepala Seksi ugi dipun bantu dening staf desa.

Struktur Organisasi Tata Kerja Pemerintah Desa ing pemerintahan Desa Ngoro-oro kagambaraken kados bagan ing ngandhap menika.

 Bagan pemerintah Kalurahan Ngoro-oro

Gambar ing nginggil, njlentrehaken peranganing pamong desa, jejibahanipun, saha gandheng ceneng antawisipun satunggal pamong kaliyan pamong sanesipun, saking Kepala Desa, Carik, Kepala Seksi, Kepala Urusan dumugi Dhukuh. Kejawi pamong desa, ugi wonten lembaga BPD minangka wakiling para warga.

Foto 8. Pamong Desa Ngoro-oro.

Sumber; Koleksi ibu Anggun Meridiana (taun 2020)

Kangge nuhoni jejibahan minangka pemerintah desa, Kepala Desa Ngoro-oro  kabiyantu perangkat desa ugi nggadhahi lembaga utawi bebadan desa ingkang jejibahanipun paring pambiyantu pamarentah desa, antawisipun :

1. LPMD :   1 lembaga
2. LPMP :   9 lembaga ( 9 padhukuhan )
3. RW :   9 lembaga (9 padhukuhan )
4. RT : 40 lembaga
5. PKK :   1 lembaga
6. Karang Taruna :   1 lembaga
7. BKD :   1 lembaga
8. Gapoktan :   1 lembaga

Lembaga Pemberdayaan Masyarakat Desa (LPMD), Lembaga Pemberdayaan Masyarakat Padukuhan (LPMP), Rukun Warga (RW) kaliyan Rukun Tetangga (RT) menika lembaga wajib desa. PKK lan Karang Taruna minangka salah setunggalipun bebadan desa kanthi peraturan desa, ingkang nggadhahi pranatan piyambak. Kejawi PKK saha Karang Taruna Desa, ugi kadamel PKK saha sub unit Karang Taruna Padhukuhan.

Foto 9. Peresmian peken BUMDES

Sumber; Koleksi ibu Anggun Meridiana (taun 2020